இலங்கை இஸ்லாமிய ஆசிரியர் சங்கம், ஆசிரியர் பிரச்சினை குறித்து கிழக்கு மாகாண முதலமைச்சரின் செயலாளருக்கு மகஜர்.

( ஏ.எல்.ஏ.றபீக் பிர்தௌஸ் )
கிழக்கு மாகாண ஆசிரியர்கள் எதிர்நோக்கும் பல்வேறு பிரச்சினைகள் தொடர்பாக இலங்கை இஸ்லாமிய ஆசிரியர் சங்கத்தின் நிந்தவூர் கிளைத் தலைவர் அல்ஹாஜ்.எம்.எஸ்.அப்துர் றசீது மௌலவி (ஷர்கி)தலைமையிலான குழுவினர் அன்மையில் கிழக்கு மாகாண முதலமைச்சரின் செயலாளர் யூ.எல்.ஏ.அஸீஸ் அவர்களைச் சந்தித்து கலந்துரையாடியது.
இறுதியில் ஆசிரியர்கள் தொடர்பான மகஜர் ஒன்றினை இலங்கை இஸ்லாமிய ஆசிரியர் சங்கத்தின் நிந்தவூர் கிளைத் தலைவர் றசீது மௌலவி கையளித்தார்.

சம்மாந்துறை MPCS யின் எரிபொருள் விற்பனை நிலையம் மூடப்பட்டமை நிதிப்பிரச்சனையோடு கூடிய தவறான நடைமுறைகளே! CDO வின் ஒப்பம் பிரச்சினையல்ல. -உரிய அதிகாரி உண்மையை விளக்குகிறார் -

சம்மாந்துறை MPCS யின்
எரிபொருள் விற்பனை நிலையம் மூடப்பட்டமை நிதிப்பிரச்சனையோடு
கூடிய தவறான நடைமுறைகளே! CDO வின் ஒப்பம் பிரச்சினையல்ல.
           -உரிய அதிகாரி உண்மையை விளக்குகிறார் -

               ( சௌத்துல் உம்மத் )
கடந்த 2014.02.13ந் திகதி முதல் சம்மாந்துறை ப.நோ.கூ.சங்கத்திற்குச் சொந்தமான எரிபொருள் விற்பனை நிலையத்தில் பெற்றோல், டீசல் இல்லையென்றும், இதற்குக்  காரணம்: கூட்டுறவு அபிவிருத்தி உத்தியோகத்தரான சித்தீக் காசோலையில் ஒப்பமிட மறுத்து, தனது கையடக்கத் தொலைபேசியையும் நிறுத்தி விட்டு மறைந்ததுதான் என ப.நோ.கூ.சங்கத் தலைவர் டாக்டர் றசீட் இணையத்தளங்களில் வெளியான செய்திகளில் தெரிவித்திருந்தார். இது மாத்திரமின்றி எரிபொருள் விற்பனை நிலையத்தில் பொருத்தப்பட்டுள்ள இயந்திரத்தில் எழுதித் தொங்கவிடப்பட்டுள்ள ' போட்டிலும்' இது குறிப்பிடப்பட்டுள்ளது.