நமது செய்தியாளர்
தமிழ் மக்கள் அரசாங்க கட்சிக்கு வாக்களிப்பதன் மூலம் தமிழ் வேட்பாளர்கள் எவரும் மாகாண சபை உறுப்பினர்களாக தெரிவு செய்யப்படமாட்டர்கள் எனவே அரசாங்க கட்சிக்கு தமிழ் மக்கள் வாக்களிக்க வேண்டாம் என்று கேட்டுக்கொள்கின்றேன். என தமிழ் தேசியக் கூட்டமைப்பின் தலைவரும் பாராளுமன் உறுப்பினருமான இரா.சம்பந்தன் தெரிவித்தார்.
மட்டக்களப்பு கல்லடியிலுள்ள பேச்சியன் ஆலய முன்றலில் நேற்று (24.8.2012) மாலை நடைபெற்ற தமிழ் தேசியக் கூட்டமைப்பின் தேர்தல் பிரச்சாரக் கூட்டத்தில் உரையாற்றும்போதே அவர் மேற்கண்டவாறு கூறினார். இங்கு தொடர்ந்துரையாற்றிய தலைவர் சம்பந்தன் கிழக்கு மாகாண சபை தேர்தலில் அரசாங்க கட்சிக்கு தமிழ் மக்கள் வாக்களிக்க கூடாது.ஒரு சில தமிழ் மக்கள் அரசாங்க கட்சிக்கு வாக்களிப்பதன் மூலம் அரசாங்க கட்சியில் போட்டியிடுகின்ற எந்த வொரு தமிழரும் தெரிவு செய்யப்படமாட்டார்கள். மாறாக தமிழ் மக்கள் அரசாங்க கட்சிக்கு அளிக்கும் சொற்ப வாக்கு அரசாங்க கட்சிக்கு உதவும் ஆனால் தமிழர் எவரும் தெரிவு செய்யப்படமாட்டார்கள் இதன் மூலம் வேறு இனத்தவர் தெரிவு செய்யப்படுவதற்கான வாய்ப்புக்களே உண்டு எனவே தான் அரசாங்க கட்சிக்கு தமிழ் மக்கள் வாக்களிக்க கூடாது.
இந்த விடயத்தை அவர்களுக்கும் எடுத்துக் கூறி அவர்களையும் எமக்கு வாக்களிக்க வைக்க நாம் நடவடிக்கை எடுக்க வேண்டும். தற்போது அவசியமான வடமாகாண சபை தேர்தலை நடாத்தவில்லை. வட மாகாண சபை தேர்தலை நடாத்துவதற்காக பல திகதிகளை அரசாங்கம் ஏற்கனவே அறிவித்திருந்தது.
இப்போது 2013 அடுத்த ஆண்டு புறட்டாதி மாதம் வட மாகாண சபை தேர்தலை நடாத்தப் போவதாக கூறுகின்றனர். வட மாகாணம் தமிழ் மக்களுள்ள மாகாணம் அங்கு தேர்தலை நடாத்தினால் நிச்சயம் தமிழ் தேசியக் கூட்டமைப்பு வெற்றியடைந்து விடும் என்ற பயம் அரசாங்கத்திற்கு இருப்பதனாலும் அவ்வாறு தமிழ் தேசியக் கூட்டமைப்பு வெற்றி பெற்றால் தமிழ் மக்கள் கொள்கையில் உறுதியாக இருக்கின்றார்கள் என்ற கருத்து வெளிவரும் சர்வதேசத்தில் தமிழ் மக்களின் உரிமை போராட்டத்தை பொறுத்த வரையில் அவர்களுக்க பலமாக அமையும் அதனால் வடமாகாண சபை தேர்தலை வைக்கப் போவதில்லை. தேர்தலை வடமாகாணத்தில் வைப்பது தங்களுக்கு உதவப் போவதில்லை என்பதை அரசாங்கம் கருதுகின்றது.
ஸ்ரீலங்கா முஸ்லிம் காங்கிரசும் மத்திய அரசாங்கத்தில் ஒரு பங்காளியா இருப்பதனால் கிழக்கு மாகாண சபையை கலைத்து அங்கு ஒரு தேர்தலை நடாத்தினால் அரசாங்கம் இலகுவாக வெற்றி பெறலாம் என ஜனாதிபதி எதிர் பார்த்தார்.சர்வதேச சமூகம் அரசாங்கத்தின் மீது தற்போது செலுத்துகின்ற அலுத்தங்களுக்கு பதில் கூற வேண்டும். மக்கள் எங்களுடன் இருக்கின்றார்கள், மக்கள் எம்மை ஆதரிக்கின்றார்கள், மக்கள் எம்மை தெரிவு செய்திருக்கின்றார்கள், மக்கள் எம் மீது நம்பிக்கை வைத்திருக்கின்றார்கள் ஏன் எங்கள் மீது அளுத்தங்களை செலுத்துகின்றீர்கள்? அதை நீங்கள் தவிர்த்துக் கொள்ள வேண்டும் என அரசாங்கம் சர்வதேச சமூகத்திடம் கூறுவதற்காகத்தான் இந்த தேர்தலை நடாத்துகின்றோம் என அமைச்சர்கள் பகிரங்கமாக கூறுகின்றனர்.
கிழக்கு மாகாண சபை தேர்தலை அரசாங்கம் நடாத்துவதற்கான ஒரே ஒரு காரணம் இது தான். துரதிஷ்ட வசமாக ஸ்ரீலங்கா முஸ்லிம் காங்கிரஸ் அரசாங்கத்துடன் இணைந்து கேட்பதென்ற முடிவை எடுத்த பிறகு முஸ்லிம்கள் மத்தியில் அது ஏற்றுக்கொள்ளக் கூடிய முடிவாக அமையவில்லை.
முஸ்லிம்களுக்கு தனிப்பட்ட முறையில் பல்வேறு பிரச்சினைகள் உள்ளன. காணி மற்றும் பாதுகாப்பு தொழில் மற்றும் தங்களது பள்ளிவாயல்கள் மற்றும் கலாசாரம் தொடர்பான பிரச்சினைகள் அவர்களுக்குள்ளன. இந்த மாகாண சபையின் ஒழுங்கு தமிழ் மக்களின் நீண்ட கால போராட்டத்தின் காரணமாக உற்பத்தியான ஒரு ஒழுங்கு அதிகார பகிர்வை எதிர்த்த மத்திய அரசாங்கத்துடன் நாங்கள் சேர்ந்து நாங்கள் தமிழர்களுக்கு எதிராக போட்டியிட்டால் அதை தமிழ் மக்கள் ஒரு போதும் ஏற்றுக்கொள்ள மாட்டார்கள். ஒரு பகமை எங்களுக்குள் ஏற்படும் என்ற காரணத்தினையும் முஸ்லிம் மக்கள் கூறினார்கள் இவ்வாறான காரணங்களினால் ஸ்ரீலங்கா முஸ்லிம் காங்கிரஸ் இன்று தனித்து போட்டியிடுகின்றது.
அரசாங்கம் முன்னர் எதிர்பார்த்தது போன்று இலகுவாக வெற்றியடையக் கூடிய நிலைமை இந்த தேர்தலில்லை. ஸ்ரீலங்கா முஸ்லிம் காங்கிரஸ் தனித்து போட்டியிடுவதனால் அரசாங்கத்துக்கும் ஜனாதிபதிக்கும் ஒரு பாரிய பிரச்சினை ஏற்பட்டுள்ளது.
தமிழ் தேசியக் கூட்டமைப்பு இந்த தேர்தலில் இன்று முன் நிலையில் நிற்கின்றது. கூடுதலான உறுப்பினர்களை பெறுகின்ற கட்சியாகவும் கூடுதலான வாக்குகளை பெறுகின்ற கட்சியாகவும் தமிழ் தேசியக் கூட்டமைப்பு வரலாம் என்ற எதிர்பார்ப்பு உண்டு. வடமாகாண தேர்தலை நடாத்தியிருந்தால் எந்த முடிவு வந்திருக்குமோ அதே முடிவு கிழக்கு மாகாண சபை தேர்தலிலும் தமிழ் தேசியக் கூட்டமைப்புக்கு வந்து விடும் சர்வதேச சமூகத்திற்கு அந்த முடிவு பலம் கொடுத்திருக்கும் சர்வதேச சமூகத்தை ஏற்றக்கொள்ள வைத்து விடும் என்ற பயம் அரசாங்கத்திற்குண்டு.
சர்வதேச சமூகத்தினுடைய பங்களிப்பை அவர்களுடைய தீர்மானத்தின் மூலமாக நிறைவேற்றுதற்கு தமிழ் மக்களுடைய தீர்வு அமையப்போகின்றதா அல்லது இலங்கை அரசாங்கம் அவர்களுக்கு முன்னாள் ஒரு சாட்டைக் கூறுவதற்கு/ஒரு தவறான கருத்தை கூறுவதற்கு வசதியாக தமிழ் மக்களுடைய தீர்வு அமையப்போகின்றதா இல்லையா என்பது தான் தமிழ் மக்கள் முன்னிலையிலுள்ள ஒரே ஒரு கேள்வியாகும்.
இதை சரியாக தமிழ் மக்கள் விளங்கி வாக்களிக்க வேண்டும் இந்த தேர்தலில் தமிழ் மக்கள் தமது வாக்குகளை அளிக்க வேண்டும் குறைந்தது 75 அல்லது 80 வீதம் வாக்களிப்போமாக இருந்தால் மட்டக்களப்பு மாவட்டத்தில் குறைந்தது தமிழ் தேசியக் கூட்டமைப்பு எட்டு உறுப்பினர்களை பெறலாம்.
அம்பாறையில் 3 ஆசனங்களையும் திருகோணமலையில் 5ஆசனங்களையும் பெறுவதற்கான சந்தாப்பமுண்டு. அதே போன்று இரண்டு போனஸ் ஆசனங்களையும் பெற்று தமிழ் தேசியக் கூட்டமைப்பு ஆட்சியமைக்க கூடிய சந்தர்ப்பமுண்டு.
இதில் போனஸ் ஆசனங்களை தமிழ் தேசியக் கூட்டமைப்பு பெறுவதற்காக நாம் கூடுலான வாக்குகளை அளிக்க வேண்டும் என சம்பந்தன் மேலும் தெரிவித்தார்.
இதில் போனஸ் ஆசனங்களை தமிழ் தேசியக் கூட்டமைப்பு பெறுவதற்காக நாம் கூடுலான வாக்குகளை அளிக்க வேண்டும் என சம்பந்தன் மேலும் தெரிவித்தார்.
இக் கூட்டத்தில் தமிழ் தேசியக் கூட்டமைப்பு பாராளுமன்ற உறுப்பினர்கள் வேட்பாளர்கள் பலரும் உரையாற்றினர்.
