சண்டித்தனம் பேசுவதாலோ> பத்திரிகைகளில் அறிக்கைகள் விடுவதாலோ மக்களிடையே ஏற்படும் முறுகல் நிலைகளைத் தீர்க்க முடியாது. இதய சுத்தியான பேச்சும்> பிரார்த்தனையும் வேண்டும்.
நிந்தவூரில் அமைச்சர் அதாஉல்லாஹ் சூளுரை.
( ஏ.எல்.ஏ.றபீக் பிர்தௌஸ் )
'சண்டித்தனம் பேசுவதாலோ> பத்திரிகைகளில் அறிக்கைகள் விடுவதாலோ மக்களிடையே ஏற்படும் முறுகல் நிலைகளைத் தீர்க்க முடியாது. இதய சுத்தியான பேச்சும்> பிரார்த்தனையும் வேண்டும்.' என மாகாண சபைகள் உள்ளுராட்சி அமைச்சர் ஏ.எல்.எம்.அதாஉல்லாஹ் தெரிவித்தார்.
மக்களின் வாழ்வாதாரத்தைக் கட்டியெழுப்பும் கிழக்கு மாகாண சபை உறுப்பினர் சட்டத்தரணி ஆரீப் சம்சுதீனின் ' வாழ்வின் ஒளி ' செயற் திட்டத்தின் கீழ் வறிய மக்களுக்கு வாழ்வாதார உதவிகள் வழங்கும் நிகழ்வு கடந்த (07-08-2013) நிந்தவூர் அல்-அஷ்றக் தேசியக் கல்லூரியில் இடம் பெற்றது.
கிழக்கு மாகாண சபை உறுப்பினர் சட்டத்தரனி ஆரீப் சம்சுதீன் தலைமையில் நடைபெற்ற இந்நிகழ்வில் மாகாண சபைகள் உள்ளுராட்சி அமைச்சர் ஏ.எல்.எம்.அதாஉல்லாஹ் பிரதம அதிதியாகவும்> மாகாண சபை அமைச்சர் எம்.எஸ்.உதுமாலெவ்வை கௌரவ அதிதியாகவும் கலந்து கொண்டு சிறப்பித்தனர்.
இங்கு பிரதம அதிதியாகக் கலந்து கொண்டு உரையாற்றும் போதே அமைச்சர் அதாஉல்லாஹ் மேற்கண்டவாறு தெரிவித்தார். தொடர்ந்தும் அவர் இங்கு பேசுகையில்:
தமிழ்> சிங்கள> முஸ்லிம் மக்கள் இந்நாட்டில் மிக ஒற்றுமையாக வாழ்ந்து வந்த வரலாறுகள் நிறைய உண்டு. அதேபோல் காலத்திற்குக் காலம் இம்மக்களிடையே சிற்சில பிரச்சினைகள் ஏற்பட்டுள்ளன. அவைகளைக் கண்ணியமான முறையில் பேசித்தான் தீர்த்துள்ளனர். அதை விட்டு விட்டு பெரிதாக சண்டித்தனம் பேசுவதாலும்> பத்திரிகைகளில் அறிக்கைகள் விடுவதாலும் தீர்வுகள் எட்டப்போவதில்லை. சில விடயங்களில் அதாஉல்லா பேசவில்லை என்பதால்> அது தீர்வில்லை என்றாகாது. வேறு சிலர் பேசுகிறார்கள். அறிக்கை விடுகிறார்கள் என்பதால்> அது தீர்வும் ஆகாது. தீர்வென்பது வேறு. எனத் தெரிவித்தார்.
மேலும் இந்நிகழ்வில் கல்முனைப் பிராந்திய பொலிஸ் அத்தியேட்சகர் தென்னக் கோண்> சம்மாந்துறைப் பொலிஸ் பொறுப்பதிகாரி தஹாநயக்க, பிரதேச சபைத் தலைவர் எம்.ஏ.எம்.தாஹீர்> முன்னாள் பிரதேச சபை உபதவிசாளர் பீ.உமர்கத்தா> எதிர்க்கட்சித் தலைவர் வை.எல்.சுலைமா லெவ்வை உள்ளிட்ட உள்ளுர் அரசியல் தலைவர்கள் பலரும்> நூற்றுக்கு மேற்பட்ட பயனாளிகளும் கலந்து கொண்டனர்.
இந்நிகழ்வில் வறிய குடும்பங்களுக்கு குழாய் மூலக் குடிநீர் பெறுவதற்கான காசோலைகள்> பாலர் பாடசாலை அபிவிருத்த்pக்கான காசோலைகள் என்பன வழங்கப்பட்டதுடன்> தையல் இயந்திரங்கள்> விவசாயிகளுக்கான கிருமி நாசினி தெளிகருவிகள்> மண்வெட்டிகள்> விளையாட்டு உபகரணங்கள் போன்ற பல பொருட்களும் வழங்கப்பட்டன.
சுமார்; இருபது இலட்சம் ரூபாய்கள் பெறுமதியான பொருட்கள் இன்று மக்களிடம் கையளிக்கப்பட்டது குறிப்பிடத்தக்கதாகும்.
கருத்துகள் இல்லை:
கருத்துரையிடுக